Nagalaum ang grupo nga Partido Manggagawa nga pagatalakayon ni President Ferdinand Marcos Jr ang lima ka mayor nga polisa kag isyu sa pagpangabudlay sa iya ika-lima nga State of the Nation Address (SONA).
Suno kay Partido Manggagawa Chairman kag former Representative Rene Magtubo, luyag nila nga tutukan ni President Marcos ang nagataas nga unemployment kag ang paglapnag sang contractualization.
Ang ikaduha nga isyu nahanungod sa nagasaka nga bili sang mga balaklon kag ang indi masarangan sang sweldo sang mga mamumugon nga magdungan, ilabi na sa mga nagakita sing manubo nga sweldo.
Ang ikatlo nga isyu nagalakip sang pag-atubang sang Presidente sa daku nga gap sa tunga sang minimum nga sweldo kag sang nagasaka nga gasto sa pagpangabuhi sa bug-os nga pungsod.
Ikaapat sa listahan amo ang wala pa masolbar nga eskandalo sa palibot sang flood Control projects kag iban pa nga mga proyekto sa imprastraktura publiko, nga nagaapekto man sang daku sa mga imol.
Sa katapusan, yara ang kahimtangan sang nagkalainlain nga mga sektor nga nagabatyag nga daw nalipatan na sila sang gobyerno.
Suno sa anay mamalidha, kon ang pahayag ni President Marcos nga (Mahiya Naman Kayo) sa tion sang iya ika-apat nga State of the Nation Address (SONA) dapat suno sa iya nga madugangan ini sa subong sang ‘Mahiya Naman Kayo sa Manggagawang Pilipino.’
Ginhatagan niya sing igtalupangod nga sa bug-os nga apat ka tuig nga pagpungko ni President Marcos, ang mga mamumugon nga Pilipino wala pa sang nakita nga pag-uswag sa ila kahimtangan sa pagpangabuhi, kag daw kaangay nga ginpabay-an sang administrasyon ang sektor sang trabaho.
