ROXAS CITY – Wala na sang kabuhi ang bangkay sang isa ka laborer sa may bahin sang Malinao River sa Barangay Daan Banwa, Tapaz, Capiz.
Ginkilala ang biktima kay Jobert Giganto alyas “Inggat” 33-anyos kag residente sang Barangay Poblacion Ilaya, Tapaz, Capiz.
Sa impormasyon nagikan sa Tapaz Municipal Police Station, ginapahayag nga samtang magalambo kun tani sang iya hinuptanan nga karabao si Celso Gimeno 52-anyos, meat vendor kag residente sang nasambit nga lugar natalupangdan sini ang bangkay sang biktima nga naga-utaw-utaw sa amu nga suba.
Wala naman sang may nakita nga pilas sa lawas ni Giganto, matapos ang ginpatigayon nga imbestigasyon.
Sa karun yara na sa isa ka punerarya ang bangkay sang biktima kag natalana nga ipaidalum sa Post Mortem/Autopsy ang bangkay sini agud mahibaluan kun anu ang gintunaan sang iya kamatayon.
