Labubu tumblers nga may toxic lead, ginapaandam sang Ecowaste

Ginpaandam sang non-profit environmental health and justice organization nga EcoWaste Coalition ang 3 ka Labubu tumblers nga naga-unod sang mataas nga amount sang lead.

Ginreport sang grupo nga ang tumblers ang may bahin sang 6 ka indi opisyal nga Labubu merchandise items nga ginabaligya sa balor nga  P275 tagsa sa isa.

Na-detect suno ang masubra 1000 parts per million (ppm) sang lead sa nasambit nga mga tumbler nga duag nga pink, red kag yellow pinaagi sa X-ray fluorescence analyzer.

Lapaw ini sa lead limit para sa paint nga 90 parts per million (ppm).

Suno sa grupo, ang pagbulgar sa lead apisar sa manubo nga doses delikado sa gihapon sa ikaayong lawas.