Lacson, boluntaryo nga nagbiya sa pagka-chairman sang Senate Blue Ribbon Committee

Gin-anunsyo ni Senador Panfilo Lacson nga hungod kag boluntaryo siya nga nagbiya sa pagka-chairman sang Senate Blue Ribbon Committee.

Sa iya speech, ginpaathag sang senador ang duha ka rason sang iya pagbiya sa pwesto bilang pinuno sang nasambit nga komitiba.

Suno kay Lacson, natak-an na siya nga madulaan sang mga abyan kag makahimo sang bag-o nga mga kaaway.

Magluwas diri, nagapati man ini nga may iban pa nga mga kaupdanan sa Senado nga mas kwalipikado sa pag-uyat sang amo nga posisyon.

Sa pihak sini, ginpasalig sang senador nga handa sa gihapon siya nga padayunon ang pagpamuno sa komitiba sa tion nga wala na sang iban pa nga magbaton sang amo nga papel.