Ginbalikan ni Senator Panfilo “Ping” Lacson ang mga akusasyon nga ginpasaka batok sa iya sa panahon sang administrasyon ni Gloria Macapagal Arroyo, sa tunga sang nagapadayon nga pagbayluhanay sang mga pahayag kay Alan Peter Cayetano.
Suno kay Lacson, napamatud-an nga wala sang basehan ang mga nauna nga alegasyon nga nagatipon ini sang manggad gikan sa iligal nga droga kag nagatago sang kwarta sa mga bangko sa iban nga pungsod. Ginhatagan niya sing igtalupangod nga ang pila sang iya panguna nga mga manugsumbong nagbawi pa gani sang ila mga alegasyon kag nangayo sing pasaylo.
Ginpahayag man sang senador nga mismo si former President Arroyo ang nag-ako nga ang mga akusasyon batuk sa iya ang nabase sa sala nga impormasyon.
Ginhatagan niya sang importansya nga ang integridad amo ang pinakaimportante nga palanublion nga ginbilin sa iya sang iya mga ginikanan.
Ang pagbinahinbahin sa tunga nanday Lacson kag Cayetano nag-ugat sa pagpanghangkat ni Cayetano sa administrasyon nga imbestigaran ang 2019 Southeast Asian Games, samtang nagpabutyag naman sang kahandaan si Lacson nga magpatigayon sang hearing angut sa ginaalegar maanomaliya sa flood control projects.
