Ginsuhestyon ni Senator-Judge Panfilo Lacson nga ipabilin nga handa kag yara na sa senado ang mga witnesses nga natalana nga magtestigo sa sulod sang isa ka semana agud malikawan ang pagka-delay sa impeachment trial ni Vice President Sara Duterte.
Suno kay Lacson, makabulig ini agud magamit sang maayo ang hearing time kag masiguro ang kinamatarung sang bise presidente sa madasig nga hearing.
Dugang pa ni Lacson, timprano ang pagtapos sang hearing sang nagligad nga semana bangud wala pa sa Senado ang masunod nga witness.
Nagalaum man ang senador nga masolbar ang nasambit nga isyu paagi sa insakto nga numero sang mga boto nga kinahanglan sa impeachment trial agud malikawan ang anuman nga legal nga isyu nga mahimo makaapekto sa desisyon sang impeachment court.
