Nagpahayag si Senador Panfilo Lacson nga preparado ang majority bloc sang Senado para sa bisan ano nga posible nga mga tikang ukon pagkontra nga mahimo ni Senador Alan Peter Cayetano kon matigayon ang espesyal nga sesyon sang Senado. Suno kay Lacson, nakaplano na ang mayorya sang mga tikang nga ila himuon agud masiguro nga magapadayon ang sesyon nga malinong kag organisado.
Ginsiling man sang senador nga ginakilala na sang kadam-an nga mga senador si acting Senate President nga si Sherwin Gatchalian bilang lider sang Senado. Apang nagpaandam siya nga indi dapat pag-ismaran ang mahimo nga mga tikang ni Alan Peter Cayetano sa nagapadayon nga isyu sa liderato sang Senado.
Dugang pa ni Lacson, importante nga magtambong ang tanan nga senador sa espesyal nga sesyon agud matalakay kag maresolbar ang mga importante nga panukala kag mga isyu nga naapektuhan sang nagligad nga boycott sa Senado. Ginpasalamatan man niya si Joel Villanueva bangud sa iya kahandaan nga magtambong bilang kabahin sang iya katungdanan bilang senador.
