Daog ang De La Salle Lady Spikers batok sa University of the Philippines matapos nila lutoson ang ila kontra sa straight sets nga 25-15, 25-18, kag 25-20 sa UAAP Season 88 women’s volleyball tournament. Bangod sini, nagapabilin sila nga wala pa gid sang kapyerdehan kag opisyal nga nakaangkon sang pwesto sa Final Four.
Ginpangunahan nanday Shevana Laput kag Angel Canino ang koponan matapos makapoints sang tig-16, nga nangin daku nga bulig sa ila madinalag-on nga performance kag sa ila pag-angat sa 10-0 nga rekord.
Sa pihak nga bahin, nagnubo sa 4-6 ang rekord sang UP Fighting Maroons bisan pa sa paningkamot nanday Nina Ytang kag Kianne Olango.
Ini na ang ika-16 nga sunod nga beses nga nakasulod sa postseason ang La Salle, nga nagapakita sang ila padayon nga pagdominar sa liga.
