Nagpagwa sang pahayag ang pamunuan sang isa ka convenience store batuk sa isa ka babayi nga vlogger nga nagsulod kag naghigda sa ila nga freezer.
Suno sa pamununan sang nasambit nga convenience store, ginatun-an na nila ang posible nga legal nga tikang nga ipatigayon batuk sa amo nga babayi kag sa mga may sala sa natabuo.
Sa isa ka pahayag, ginsiling sang pamunuan nga obligado sila nga magpadayon sa legal nga aksyon batuk sa mga naglapas kag nag-usar sang ila gamit sa indi nagakaigo nga pamaagi.
Nagpahanumdom man sila sa iban nga indi pag-ilugon ang nasambit nga binuhatan agud malikawan ang kasubong nga insidente.
Bilang kabahin sang ila pagsiguro sang kahilwayan kag kalimpyo, ginpahayag sang pamunuan nga ang tanan nga iced products nga ara sa freezer ginkuha na kag ang sulod sang freezer ginlimpyo kag gin-sanitize dayon.
Samtang, padayon nga ginabantayan sang pamunuan ang sitwasyon kag nakaandam sila maghimo sang kinahanglanon nga mga tikang agud masiguro ang seguridad kag kalimpyo sang ila nga tindahan.
