Nagpaandam ang Office of the Civil Defense sa publiko sa posibilidad sang lahar flow sa tunga sang nagapadayon nga volcanic unrest sa Bulkang Kanlaon sa Negros Island nga gindugangan pa sang mga pag-ulan dala sang bagyong Ferdie kag hanging Habagat.
Suno kay OCD spokesperson Director Edgar Posadas, namonitor ang mud flow sa pila ka lugar sa Western Visayas nga naka-eksperyensya sang mga pag-ulan rason nga may posibilidad sang lahar flow.
Samtang, dalayon naman nga nakig-angut ang mga opisyal sang lokal nga gobyerno sa Western Visayas sa ila counterparts nagikan sa Central Visayas para masiguro ang coordinated response kun maglupok ang bulkang Kanlaon.
Ginaplantsa naman sang mga lokal nga gobyerno ang ila nga paghanda kalakip na ang plano nga pagpa-evacuate sa mga residente kun maglala pa ang sitwasyon sa bulkan.
