Lakat sang trapiko sa magkatuhay nga mga sementeryo, amat-amat na nga nagabug-at

ROXAS CITY – Amat-amat na nga nagabug-at ang lakat sang trapiko sa magkatuhay nga mga sementeryo sa syudad sang Roxas.

Kadungan sa pagdumdum sang Undas ukon tigkalalag subong nga Nobyembre 1, naka-full alert ang tanan nga mga uniformed personnel agud mapabilin nga matalunsay kag seguridad sang lugar.

Pahanumdum sang mga otoridad sa mga magapadulong sa mga patyo, mangin responsible pag-abot sa mga basura bangud isa ini sa mga ginalantaw nga problema sang mga caretaker.

Sa bahin sang Loctugan Public Cemetery, amat-amat na nga nagadamo ang nagapadulong subong man sa Banica Public Cemetery.

Ginpasiguro man sang mga otoridad nga yara ang ila presensya tubtob bwas nga adlaw agud maghatag sang serbisyo kag magbulig sa publiko.