Ginpangapinan sang Los Angeles Lakers ang pagsaylo kay Bronny James sa ila nga South Bay Lakers team sang NBA G League.
Ginpahayag ni Lakers coach J.J. Redick nga may plano na nga daan ang team nga tungaon ang oras sang mga rookie sa NBA kag G League.
Sumugod pa sa umpisa sang paghampang ni James nahibaluan naman sini ang plano mangin ang amay sini nga si LeBron James.
Sa una nga walo ka hampang sang Lakers, tatlo ka beses lamang nga naghampang ang bataon nga James kun sa diin may nalista ini nga apat ka puntos sa sulod sang kabug-usan nga 13 ka minutos sang paghampang.
Matandaan nga nakalista sang record sa kasaysayan sang NBA ang mag-amay nga James bangud sila lamang ang magkaupod nga naghampang sang dungan sa isa ka team.
Indi pa masiguro sang Lakers coach kun san-o makabalik sa NBA ang bataon nga James.
