Arestado ang isa ka Lalake nga may kaso Frustrated Murder, matapos ginserbihan sang Warrant of Arrest sa Barangay Poblacion, Tapaz, Capiz.
Ang arestado amo si alyas ‘Pablo’, 34-anyos kag residente sang nasambit nga lugar.
Sa interview sang Bombo Radyo kay Police Major Gregg Anthony Salbang, officer-in-charge sang Tapaz Municipal Police Station, iya ginpahayag nga ang Warrant of Arrest ang gin-isyu kag ginpirmahan ni Hon. Oscar Leo Sancho Billena, Presiding Judge, RTC, 6th Judicial Region, Branch 70 Barotac Viejo, Iloilo, kag napetsahan Abril 22, 2026.
Ginrekomendar naman sang korte ang P200,000.00 nga piyansa para sa temporaryo sini nga kahilwayan.
Sa subong, nagapabilin in isa kustodiya sang Tapaz Municipal Police Station para sa nagakaigo nga disposisyon.
