Nakahimo sang isa ka pinasahi nga Guinness World Record ang British collector pagkatapos nga mabuksan ang pito ka pakete sang mga trading card sa isa ka minuto samtang nakahigot sa pakpak sang isa ka nagalupad nga eroplano.
Ini amo si Colby Bull, isa ka residente sang London, nakilala siya matapos nga naghimo sang stunt sang Oktubre 13 sa Kent, England, sakay sa Boeing Stearman biplane nga nagalupad sa kataason nga 600 feet kag may kadasigon sang hangin nga nagalab-ot sa 120 milya kada oras.
Suno kay Bull, luyag niya nga maeksperyensyahan ang pagbukas sang mga baraha sa tunga sang isa ka mabaskog nga pagdalagan sang adrenaline.
Gin-ako sini nga nabudlayan siya magkoncentrate bangud sa mabaskog nga hangin kag halos indi niya mabatyagan ang iya mga kamot.
Si Bull kilala man sa iban pa nga maisog nga mga hangkat, lakip ang paglangoy pakadto kag pabalik sa Alcatraz prison sa San Francisco Bay kag pito ka adlaw nga sleigh challenge sa Lapland, Finland.
