Ginserbihan sang arrest warrant sang mga kapulisan ang isa ka lalake nga ginakabig municipal level most wanted person samtang yara sa kustodiya sang Bureau of Jail Management and Penology (BJMP) sa Brgy. San Jose, Roxas City, Capiz.
Ang arestado amo si alyas “Edu,” 35-anyos kag residente sang Homesite, Barangay Lawaan, Roxas City, Capiz.
Sa impormasyon nga nakuha sang Bombo Radyo Roxas nagikan sa Roxas Component City Police Station, ginapahayag nga ang arrest warrant ang may kaangtanan sa kaso nga rape sa idalom sang Article 266-A sang Revised Penal Code.
Wala naman ginrekomenda sang korte ang piyansa para sa iya temporaryo nga kahilwayan.
Sa subong, nagapabilin sa kustodiya sang Bureau of Jail Management and Penology (BJMP) sa syudad sang Roxas ang arestado kag igapaidalum sa due process antes itugyan sa Regional Trial Court, Branch 14 nga amo ang nag-issue sang warrant.
