PANAY CAPIZ- Arestado ang isa ka 38-anyos nga lalaki samtang nagapatigayon sang iligal nga pagpangisda ukon “mini-trawl” sa baybayon nga sakop sa banwa sang Panay.
Sa impormasyon nga nakuha sang Bombo Radyo Roxas sa Panay Municipal Police Station, ginpahayag ang arestado amo si alyas “Ricky” kag residente sang Barangay Lat-asan sa amo nga banwa.
Nakuha sa paghinakop ang isa ka pump boat nga nagabalor ₱30,000, isa ka diesel engine nga nagabalor ₱30,000, isa ka set sang finshing net nga nagabalor ₱70,000, kag indi masobra 10 kilo sang nagkalain-lain nga isda nga nagabalor ₱2,000.
Magapangatubang sa kaso nga paglapas sa Municipal Ordinance No. 03-02 Fishery Code, Series of 2003 ang amo nga arestado.
Sa subong, yara na sa kustodiya sang MENRO Panay ang mga nakumpiskar nga gamit para sa nagakaigo nga disposisyon.
