ROXAS CITY – Gin-aresto sang mga kapulisan ang isa ka lalaki matapos ginreklamo sang mga pumuluyo nga nagapinalupok sang armas-luthang sa Barangay Binuntucan, Pontevedra, Capiz.
Ginkilala ang suspek nga si alyas Allan, 34-anyos, kag residente sang Brgy. Hipona, Pontevedra, Capiz.
Sa impormasyon nga nagikan sa Pontevedra Municipal Police Station, ginapahayag nga nagpadulong ang isa ka BPAT sa istasyon sang mga kapulisan bangud sa ginpalab ot nga reklamo sang mga pumuluyo sang nasambit nga Barangay nga nagapinalupok sang armas-luthang ang amu nga suspek.
Gilayon naman ini nga ginpadulongan sang mga kapulisan kag nakuha sa paghinakop sang suspek ang
Caliber 22 revolver nga may apat ka fire cartridge kag duwa ka mga bala.
Sa karon yara na sa kustodiya sang Pontevedra PNP si alyas Allan para sa nagakaigo nga disposisyon.
