Arestado ang isa ka lalaki pinaagi sa implementasyon sang warrant of arrest nga ginserbe sang mga kapulisan bangud sa kaso nga robbery sa McKinley Street, Barangay I, Roxas City.
Ang arestado amo si alias Jet, 29-anyos kag residente sang nasambit nga lugar.
Sa interview sang Bombo Radyo kay Police Lieutenant Colonel Rogelio Tomagtang Jr., officer-in-charge sang Roxas Component City Police Station, iya ginpahayag nga ang warrant of arrest ang ginpirmahan ni Hon. Sesinio Navales Belen Jr. sang Regional Trial Court Branch 15, Roxas City.
Suno kay Tomagtang Jr., yara sa P48,000 ang pyansa nga ginarekomenda sang arestado para sa iya nga temporaryo nga kahilwayan.
Sa subong, yara na ang arestado sa Roxas Component City Police Station para sa nagakaigo nga disposisyon.
