ROXAS CITY – Arestado ang isa ka lalaki matapos mabaklan sang indi lisensyado nga armas-luthang sa ginpatigayon nga buybust operation sang kapulisan sa Brgy. V, Roxas City.
Ginkilala ang nadakpan kay Santos Manican, 21-anyos nga residente man sang nasambit nga lugar.
Natigayon nga madakpan si Manican pinaagi sa isa ka pulis nga nagpakuno-kuno poseur buyer sa diin natigayon nga mabakal sa nadakpan ang isa ka .357 magnum revolver nga may tatlo ka bala.
Nahibaluan nga nakuha sa posisyon sini ang P100.00 nga marked moneyn kag P4,900 boodle/counterfeit money.
Magapangatubang ang suspek sang kaso nga paglapas sa R.A 10591 ukon Comprehensive Law on Firearms and Ammunitions Regulation Act.
Samtang wala naman sang ginpakita nga dokumento ang suspek angut sa nakuha sini sang mga kapulisan sa nasambit nga armas-luthang.
Sa karon, nagapabilin ini sa paghinakop sang Roxas City PNP para sa nagakaigo nga disposisyon.
