-- ADVERTISEMENT --
DUMALAG, CAPIZ – Arestado ang isa ka lalaki matapos nadakpan nga nagapatigayon sang illegal nga pagpataya sang bookies sa banwa sang Dumalag.
Ang wala na ginhingadlan nga suspek ang yara sa legal nga pang-edaron kag residente sang nasambit nga banwa.
Narekober sa paghinakop sini ang stabs sang cotejo nga may nakasulat nga numero, P1,100.00 nga balor sang kwarta sa nagkalain-lain nga denominasyon kag ballpen.
Magapangatubang sang kaso nga paglapas sa Presidential Decree 1602 nga gin-amyendahan sang RA 9287 ukon ‘Anti-Illegal Gambling Law’ ang nasambit nga persona.
Sa karon, yara na sa kustodiya sang Dumalag PNP ang amo nga arestado para sa nagakaigo nga disposisyon.
-- ADVERTISEMENT --
