PANAY CAPIZ – Arestado ang isa ka lalaki matapos nga nagwaras kag nagbuya sang mga malain nga tinaga sa mga katapo sang Panay Municipal Police Station, Panay, Capiz.
Ginkilala ang arestado kay alyas “Efren”, 36-anyos, isa ka mangingisda kag residente sang Brgy. Tanza Gua, Roxas City, Capiz.
Sa impormasyon nga nakuha sang Bombo Radyo, nagikan sa Panay MPS, ginapahayag nga samtang nagapatigayon sang imbestigasyon ang isa ka pulis, hinali na lamang nga nag-abot ang amu nga persona kag nagtuga sang gamo.
Bangud sini, ginsaway kag ginpaguha pa ini sang duha ka mga pulis apang nagbuya na ini sang mga malain nga tinaga.
Sa karon, nagapabilin ini sa Panay MPS kag natalana nga pasakaan sang kaso nga Alarm of Scandal, grave oral defamation and resistance and disobedience upon agent of a person in authority.
