Arestado ang isa ka lalaki sa ginpatigayon nga drug buy-bust operation sa Plaridel Street Barangay VIII, Roxas City.
Ang arestado amo si alyas Jun, 32-anyos, residente sang Brgy. Punta Tabuc, Roxas City.
Sa interview sang Bombo Radyo kay Police Lieutenant Colonel Rogelio Tomagtang Jr., hepe sang Roxas Component City Police Station, iya ginpahayag nga nakuha sa paghinakop sang subject person ang duha ka sachet sang suspected shabu nga ginabanta may kabug-aton nga 500 grams nga may standard drug price nga P30,000.
Suno kay Tomagtang, masubra duha ka bulan nga ginamonitor ang arestado antes natigayon ang operasyon.
Sa subong, preso na ini sa Roxas Component City Police Station kag magapangatubang sa kaso nga paglapas sa Republic Act 9165 ukon Comprehensive Dangerous Drugs Act of 2002.
