Lalaki arestado sa drug buy bust operation sa Barangay 9, Roxas City

ROXAS CITY – Dakup sa boarding house sang iya nobya sa Pavia St., Barangay 9, sining syudad ang isa pa ka drug suspek sa drug bust operation.

Nakahunong na sa karsel sang Roxas City PNP si Randy Lara sang Barangay Punta Tabuc, sining syudad.

Narekober sa suspek ang walo ka sachets sang shabu nga may market value nga P12,000, P500 nga marked money, isa ka cellphone kag mga drug paraphernalia.

Nahibaluan nga ginpaidalum sa operasyon si Lara matapos gintumod ang pangalan sini nga isa ka drug pusher sang nadakpan man nga nagaduso sang droga nga si Arthur Inocencio.