Arestado ang isa ka lalaki sa ginkasa nga buybust operation sa Brgy. Mianay Ivisan, Capiz.
Ang subject person amo si alyas “Moymoy” 25 anyos kag residente sang amo nga barangay.
Sa interview sang Bombo Radyo kay Police Captain Rile Villariez, Officer in charge sang Ivisan Municipal Police Station, iya ginpahayag nga nakuha sa paghinakop sang subject person ang isa ka caliber .38 revolver kag tatlo ka mga live ammunition, P3,000 nga buybust money kag isa ka sachet sang ginapatihan shabu may bug-at nga 5 ka gramo kag may market value nga P34,000,00
Sa subong, yara sa kustodiya sang Ivisan Municipal Police Station ang subject person kag natalana nga pasakaan sang kaso nga paglapas sa RA 10591 ukon Comprehensive Firearms and Ammunition Regulation Act kag RA 9165 ukon comprehensive dangerous drugs act of 2002.
