-- ADVERTISEMENT --
ROXAS CITY – Arestado ang isa ka lalaki sa ginkasa nga drug buybust operation sang mga kapulisan sa Barangay Basiao, Ivisan, Capiz.
Ang wala na ginhingadlan nga persona ang nagapang-edaron sang 26-anyos nga residente sang nasambit nga barangay.
Base sa impormasyon nga nagikan sa Ivisan Municipal Police Station, narekober sang kapulisan sa amu nga subject person ang apat (4) tanan ka sachet sang ginapatihan iligal nga droga nga ginabulubanta may kabug-aton nga mas ukon menos apat (4) ka gramos kag may standard drug price nga nagabalor sang P13,600 kag P1,500 nga buybust money.
Sa karon, nakahunong na sa karsel sang Ivisan PNP ang nadakpan kag natalana nga pasakaan sang nagakaigo nga panumbungon.
