Arestado ang isa ka lalaki sa ginpatigayon nga buy-bust operation sa Barangay Amaga, Sigma, Capiz.
Ang suspek arestado amo si alyas Mark, 30-anyos, residente sang nasambit nga lugar.
Sa interview sang Bombo Radyo kay Police Major Narciso Sables Jr., officer-in-Charge sang Sigma Municipal Police Station, iya ginpahayag nga ang subject person ang yara sa provincial Priority Target List sang kapulisan may kaangtanan sa ilegal nga droga.
Suno kay Sables, nakuha sa paghinakop sang arestado ang anum tanan ka plastic sang suspected shabu nga may kabug-aton nga ginabanta sang 12.4 grams nga nagabalor sang P84,320.00.
Sa subong, preso na ang arestado sa Sigma Municipal Police Station, kag magapangatubang sa kaso nga paglapas sa Republic Act 9165 ukon Comprehensive Dangerous Drugs Act of 2002.
