ROXAS CITY – Arestado ang isa ka lalaki matapos ginserbihan sang warrant of arrest sang mga kapulisan sa Barangay Astorga, Dumarao, Capiz.
Ginkilala ang naaresto nga si Hernan Planto, 25-anyos ng Barangay Poscolon, San Rafael, Iloilo.
Kaso nga Statutory Rape ang ginapangatubang sang nasambitan nga akusado.
Wala naman sang may ginrekomendar nga piyansa ang korte para sa temporaryo nga kahilwayan sang nasambitan nga akusado.
Ang nasambit nga warrant of arrest gin-isyu kag ginpirmahan ni Hon. Jose Mauricio F. Gomez, Assisting Judge sang 6th Judicial Regional Trial Court, Branch 66 Hall of Justice, Barotac Viejo, Iloilo sadtong Hunyo 22, 2020.
Sa karon nakahunong na sa karsel sang San Rafael Municipal Police Station sa probinsya sang Iloilo ang amo nga akusado para sa nagakaigo nga disposisyon.
