PUNTA TABUC, Roxas City – Arestado ang isa ka lalaki sa ginpatigayon nga buy-bust operation sa Barangay Punta Tabuc, Roxas City.
Ang suspek amo si alyas John, 23-anyos, kag residente sang Ellieta Street Barangay Banica, Roxas City.
Sa interview sang Bombo Radyo kay Punong Barangay Nestor Buenviaje sang Barangay Punta Tabuc Roxas City, iya ginpahayag nga na andan na sang suspetsado nga magtambay sa railway kun sa diin temporaryo nga naga-istar ini sa Punta Tabuc kag gintuyo na nga buligan para sa pagpabulong, apang wala ini nag bag-o kag natigayon nga ma aresto.
Suno sa nakuha nga impormasyon sa Roxas Component City Police Station sa buy-bust operation bilang ibidensya narekober sa iya ang 1 ka unit sang homemade 12gauge shotgun loaded nga may1 ka 12gauge ammunition, 2 klase sang heat sealed transparent plastic sachet, P2,500 buy-bust money, P2,400 boodle money, P100 genuine bill, kag nagkalain-lain nga non-drug items.
Dugang pa sa impormasyon paglapas sa Republic Act 10591 – Comprehensive Firearms and Ammunition Regulation Act kag Republic Act 9165 Comprehensive Dangerous Drugs Act of 2002 ang kaso nga paga-atubangon ni alyas John.
Sa subong yara na sa kustodiya sang Roxas City Police Station ang suspek para nagakaigo nga disposisyon.
