BALUCUAN, Sigma, Capiz – Arestado ang ka lalaki sa pagpanglabo sa iya kaupdanan sa inuman sa Sitio Pulos Ilaya, Barangay Balucuan, Sigma, Capiz.
Ang biktima amo si alyas Je, 22-anyos, residente sang Sitio Liong, Barangay Balucuan, Sigma, Capiz, samtang ang suspek ginkilala sakay alyas Tin, 21-anyos, residente sang nasambit nga lugar.
Sa interview sang Bombo Radyo kay Police Major Narciso V Sables Jr., Chief of Police sang Sigma Municipal Police Station, iya ginpahayag nga magkaupod ang biktima kag suspek sa inuman kag sang nagdugay na ang estoryahanay napikon ang suspek sa wala ginaluman may dala na gali nga binangon ang suspek sa idalom sang iya bangko kag hinali naman nga ginlabo niya ini sang makaduha ka beses sa tuo nga tuhod kag sa paa niya sa wala nga bahin.
Suno kay Sables gilayon nga nagresponde ang katapo sang kapulisan sa lugar kun sa diin ang crime scene ginakabig nga tago ini nga lugar kag gilayon naman nga gin-aresto ang suspetsado sa iya puluy-an, samtang bilang ibidensya nakuha naman ang gin gamit nga binangon kun sa diin gilayon naman gindala ang suspek sa pampubliko nga hospital.
Pahayag pa niya madamo na nga rekord sang reklamo sa barangay si alyas Tin bangud sa kun nakainom ini naga maoy ini kag permi gina respondihan.
Sa karon, nahibaluan nakagwa na si alyas Je sa hospital, samtang ang suspek yara na sa kustodiya sang Sigma MPS kag posible nga magapangatubang sang kaso nga attempted homicide.
