Lalaki boluntaryo nga ginsungka ang armas luthang sa mga kapulisan

ROXAS CITY – Boluntaryo nga ginsungka sang isa ka lalaki sa mga kapulisan ang isa ka unit sang 9mm pistol, wala sang magazine kag wala sang mga bala sa banwa sang Ivisan, Capiz.

Ang nasambit nga armas luthang ginsungka ni John Philip Fortaleza sang Barangay Poblacion Norte, Ivisan, Capiz.

Ang nasambit nga armas luthang ang temporaryo nga ginpakustodiya sa mga kapulisan para sa renewal sang lisensiya sini.

Kadungan man ini sang hugot nga kampanya sang mga kapulisan sa “Tokhang kontra sa armas luthang”.

Bangud diri, yara na karon sa kustodiya sang FESAGS Section sang Ivisan Municipal Police Station ang amo nga amras luthang para sa nagakaigo nga disposisyon.