Boluntaryo nga nagsungka ang isa ka lalaki nga may warrant of arrest sa mga katapo sang Roxas City Police Station sa Pueblo de Panay, Barangay Lawaan, Roxas City.
Sa impormasyon nga nakuha sang Bombo Radyo nagikan sa Roxas City Police Station, ginkilala ang arestado kay alyas “Bong-Bong”, 26-anyos kag residente sang Sitio Santa Rosa, Barangay Loctugan, Roxas City.
Nagapangatubang sa kaso nga paglapas sa RA 9262 Section 5(A) ukon ang “Anti-Violence against Women and their Children Act of 2004 kun sa diin gin-rekomendar sang korte ang balor P2,000 nga pyansa para sa temporaryo sini nga kahilwayan.
Ang nasambit nga warrant of arrest gin-isyu kag ginpirmahan ni Hon. Joan Marie B. Bargas-Betita, Presiding Judge, Regional Judicial Region, Branch 14, Roxas City kag napetsahan Abril 7, 2025.
Sa karon, hilway na ini sa karsel sang Roxas City Police Station matapos nga nakapyansa sang balor P2,000.
