Sa isa ka relasyon, duha lang dapat ang involve, apang lain ang set-up nga luyag sang isa ka lalaki nga si alyas “Bob” bangud suno sa iya, bukas siya sa ideya nga i-share ang iya nobya sa iban bilang kabahin sang ginatawag nila nga open relationship ukon consensual non-monogamy, nga nagakinahanglan sang klaro nga kasugtanan kag paghanugot sang duha ka bahin.
Suno kay Bob, tatlo na ka tuig sila nga magkarelasyon sang iya nobya kag isa na ka tuig halin sang ginpili nila ang amo nga setup matapos nila gin-istoryahan ang posibilidad sang bag-o nga eksperyensya.
Ginpahayag man niya nga ang maayo nga komunikasyon kag paghangpanay amo ang liyabe agud malikawan ang pagpangimon.
Nagbutang man sila sang maathag nga mga limitasyon agud indi masakitan ang balatyagon sang kada isa bisan pa nga ginatugutan ang pagpakigrelasyon sa iban samtang nagapadayon ang ila relasyon kon sa diin ginlaragway niya bilang “third party with license.”
Apang suno sa mga eksperto, indi ini para sa tanan kag nagakinahanglan sang mabakod nga pundasyon sang paghangpanay sang mag-partner.
