Mga ka-bombo, masarangan mo bala nga dunganon ang 17 ka nobya? Kun sa isa pa lang gani gapangalot ka na sang ulo kun paano nimo ini intindihon sa adlaw-adlaw
Diri ka mabilib sa isa ka lalaki sa China nga nangin kontrobersyal matapos madiskubrehan nga gindungan niya ang 17 niya ka mga nobya.
Natabo ini matapos ma-aksidente sia kag gindala sa ospital.
Gintawgan sang health personnel ang mga tawo nga sa ila pagpati, pamilya sang lalaki.
Natabuan gid nga dungan nga nag-abot ang mga ini. Ginkakibot sang mga ini nga madamo gali sila nga nobya.
Suno sa isa ka babayi, ginasuportahan niya sang kwarta si Yuan sa sulod na sang siyam ka tuig.
Nagagwa sa report nga ginhimu-himo lang ni Yuan ang iya educational background agud makatrabaho sa isa ka dako nga kompaniya.
Nagapangatubang man ini sang fraud charge matapos gintunto niya ang iya anay asawa sang $40,000 ukon masobra P2.5 million.
