Dakop ang isa ka lalaki matapos ang ginpatigayon nga drug buy bust operation sa Barangay Punta Tabuc, syudad sang Roxas.
Ginkilala ang nadakpan kay alyas “Jessie”, 49-anyos ,kag residente sang nasambit nga barangay.
Sa nakuha nga impormasyon sang Bombo Radyo nagikan sa Roxas Component City Police Station, ginpahayag nga anay priso ang amo nga persona sadtong tuig 2015 kag nakaguha lamang sang tuig 2024 may kaangtanan sa pagduso sang illegal nga droga apang sa karon liwat naman nga nadakpan sa kapareho nga kaso.
Narekober sa amo nga suspetsado ang 7 tanan ka sachet sang ginapatihan shabu, P3,500 nga buy bust money.
Sa karon, nagapabilin nga nakahunong sa karsel sang Roxas City Police Station si alyas “Jessie” kag natalana nga pasakaan sang nagakaigo nga panumbungon nga paglapas sa Republic Act 9165 ukon Comprehensive Dangerous Drugs Act of 2002.
