ROXAS CITY – Arestado ang isa ka lalaki matapos nakuhaan sang ginaalegar shabu kag armas-luthang sa implementasyon sang search warrant sa Barangay Amaga, Sigma, Capiz.
Ginkilala ang nadakpan nga si alyas nonoy 32-anyos kag residente sang amo nga Barangay.
Nakuha sa paghinakop ni alyas nonoy ang 7 tanan ka sachets sang ginapatihan shabu, mga drug paraphernalia kag isa ka unit sang .38 caliber revolver nga may tatlo ka mga bala.
Ang search warrant nga ginpapanog kag ginpirmahan ni Executive Judge Judith D. Orendain-Tonogbanua sang Regional Trial Court, 6th Judicial Region, Mambusao Capiz, napetsahan Hunyo 11, 2024.
Sa karon, yara na ini sa paghinakop sang Sigma MPS para sa nagakaigo nga disposisyon kag natalana nga pagasakaan sang nagakaigo nga kaso.
