Dakop ang isa ka lalaki sa buy-bust operation sa Barangay San Antonio, Tapaz, Capiz.
Ang subject person amo si alyas “PanPan,” 29-anyos kag residente sang amo nga barangay, nga ginakabig nga High-Value Individual (HVI).
Sandig sa impormasyon nga nakuha sang Bombo Radyo sa Tapaz Municipal Police Station, narekober sa operasyon ang isa ka homemade 12-gauge shotgun nga may sulod nga duha ka live shotgun shells, isa ka heat-sealed transparent sachet nga ginapatihan shabu nga may Standard Drug Price nga P6,800, kag buy-bust money nga nagabalor sang P1,900.
Sa subong, yara na ini sa Tapaz Municipal Police Station para sa dokumentasyon, disposisyon kag preparasyon sang mga kaso nga paglapas sa Republic Act No. 10591 ukon Comprehensive Firearms and Ammunition Regulation Act kag Republic Act No. 9165 ukon Comprehensive Dangerous Drugs Act of 2002.
