ROXAS CITY, CAPIZ – Nadakpan ang isa ka lalaki sa ginkasa nga drug buy-bust operation sa Barangay Punta Tabuc, Roxas City.
Ang subject person amo si alyas Bedak , 32 – anyos kag residente man sang amo nga lugar.
Sa interview sang Bombo Radyo kay Police Chief Master Sergeant Ramil Arcangeles, spokesperson sang Roxas Component City Police Station, iya ginpahayag nga ang amo nga operasyon ang ginpangunahan sang Roxas City Police Station Special Drug Enforcement Team (SDET).
Suno kay Arcangeles, nakuha sa subject person ang apat ka heat-sealed transparent plastic sachet sang ginapatihan shabu nga nagabug-at sang 40 grams kag may street value nga P272,000 kag ang P7,500 nga buy bust money.
Pahayag pa niya, isa ka street level individual (SLI) ang amo nga subject person nga kapila naman ka bes magbalik-balik sa presohan.
Sa subong, makahunong na sa talatapan sang Roxas Component City Police Station para sa nagakaigo nga disposisyon.
INTERVIEWED BY: BOMBO ROADNIE DABAN DALANON VIA ZONA LIBRE
