Lalaki, dakop sa drug buybust operation sa Ivisan

IVISAN, CAPIZ – Arestado ang isa ka lalaki sa ginkasa nga drug buybust operation sang gintingob nga pwersa sang Ivisan, Sigma kag Mambusao Municipal Police Station sa Barangay Sta. Cruz, Ivisan, Capiz.

Ginkilala ang naaresto nga si Renan Espinosa, residente sang Barangay Dayao, Roxas City.

Narekober sa posesyon ni Espinosa ang anom ka sachets sang shabu, kutsilyo kag P500 nga marked money.

Sa karon nakaaresto na ang drug suspek kag natalana nga pasakaan sang panumbungon nga paglapas sa Republic Act 9165 ukon Comprehensive Dangerous Drugs Act of 2002.