-- ADVERTISEMENT --
ROXAS CITY – Dakop ang isa ka lalaki sa ginkasa nga drug buybust operation sang Station Drug Enforcement Team sang President Roxas Municipal Police Station sa Barangay Marita, President Roxas, Capiz.
Ginkilala ang nadakpan kay Harold Ordas alyas Bornok, 32 anyos sang nasambit man nga lugar.
Narekober sa suspek ang duha tanan ka sachets sang ginapatihan shabu, kag P1, 000 nga marked money.
Sa karon nakahunong na sa karsel sang President Roxas Municipal Police Station ang suspek kag natalana nga pasakaan sang panumbungon nga paglapas sa Republic Act 9165 ukon Comprehensive Dangerous Drugs Act of 2002.
