-- ADVERTISEMENT --
Arestado ang isa ka construction worker sa entrapment operation sang Roxas Component City Police Station sa Sitio Cassandra, Barangay Punta Tabuc, Roxas City, Capiz, pasado las 12:31 sang udto, Setyembre 5, 2026.
Ang arestado amo si alyas Nando, yara sa legal nga pang-edaron kag residente sang Sitio Masadyahon, Barangay X, Roxas City.
Narekober sa iya posisyon ang isa ka yunit sang .38 caliber revolver kag duha ka bala. Lakip man sa narekober ang P3,000 nga buy-bust money, kag isa ka backpack.
Sa subong, yara na sa kustodiya sang Roxas Component City Police Station ang arestado kag ginapreparar ang pagpasaka sang panumbungon nga paglapas sa Republic Act 10591 ukon Comprehensive Firearms and Ammunition Regulation Act.
