Arestado ang isa ka lalaki nga ginakabig nga street level individual (SLI) sa ginkasa nga drug buy bust operation sa Barangay Tanza Norte, Panay.
Ginkilala ang nadakpan kay alyas “JunJun”, kag residente sang Barangay Bato, Roxas City.
Base sa pahayag ni PCPT RONALD F TON-OGAN, Officer In-charge, sang Panay MPS, ginpahayag sini nga madugay na nila nga ginamonitor si ALYAS JUn-Jun, natigayon nga madakpan ini pinaagi sa isa ka pulis nga nagpakuno-kuno nga pusuer buyer.
Suno pa diri nga narekober sa arestado ang duwa (2) tanan ka sachet sang shabu kag P300 nga buybust money kag isa ka yunit sang motorsiklo.
Kaso nga paglapas sa RA 9165 ukon Comprehensive Dangerous Drugs Act of 2002 ang paga-atubangon sang nasambit nga nadakpan.
Sa karun, yara na sa paghinakop sang Panay MPS ang nadakpan para sa nagakaigo nga disposisyon.
