Tapaz, Capiz – Isa ka lalaki ang gin-alegar ginsumbag sang iya kasilingan samtang yara ini sa impluwensya sang ilimnon sa Sitio Polion, Barangay Apero, Tapaz, Capiz, alas 9:45 sang gab-i, sang tinalikdan nga Oktubre 25, 2025.
Ginkilala ang biktima nga si alyas Bob, 36 anyos, isa ka trabahador kag residente sang nasambit nga lugar.
Ang suspek naman ang ginkilala si alyas Glen, 47 anyos, isa ka mangunguma kag pareho man nga residente sang Sitio Polion.
Suno sa impormasyon nga nakuha sang Bombo Radyo sa kapulisan, nagkadto ang biktima sa balay sang suspek kag ginaopahayag yara sa impluwensya sang alak.
Nagluntad ang pagbaisay sa tunga nila tubtob nga ginsumbag ni alyas Glen ang biktima sa nawong tubtob nga nadulaan ini sang alinto.
Pagkatapos sini, ginguyod ni alyas Glen ang biktima padulong sa suba nga ginabulubanta mga 100 metros halin sa iya balay kag ginbayaan didto.
Gilayon man nga nagsurrender si alyas Glen sa istasyon sang kapulisan pagkatpos sang insidente.
Nagapadayon sa gihapon ang imbestigasyon sang kapulisan samtang yara sa ila paghinakop si alyas Glen para sa nagakaigo nga disposition.
