ROXAS CITY – Dakop ang lalaki, matapos ginapahayag nagmaoy kadungan sang opening of lights sa Panay Christmas Village sa Poblacion Ilaya, Panay, Capiz.
Sa interview sang Bombo Radyo sa Officer in Charge sang Panay Municipal Police Station nga si PCPT Ronald Ton-ogan ginpahayag sini nga ginkilala ang nadakpan kay alyas “Rolly”, 50-anyos kag residente sang Brgy. Bago Chiquito, sa nasambit nga banwa.
Suno kay Ton-ogan, sang natabo ang insidente padulong palang kun tani si alyas “Rolly” sa amu nga selebrasyon sang nakit-an ini sang barangay official nga yara sa lugar nga indi na maayo ang iya sini nga pagpadalagan sang iya traysikol.
Bangud sini, ginpakamaayo sang opisyal nga sitahon ang amu nga persona agud malikawan ang indi maayo nga butang apang hinali lamang ini nga nagwaras kag nagmaoy.
Mahibaluan nga yara sa impluwensya sang makahulubog nga ilimnon si alyas “Rolly”.
Sa karon, yara na ini sa kustodiya sang Panay Municipal Police Station para sa nagakaigo nga disposisyon.
