Personal nga nagpadulong sa talatapan sang Bombo Radyo ang isa ka lalaki bangud sa ginaalegar nga wala ini ginapasugtan nga mag-agi sa alagyan nga ginapanag-iyahan sang iya iloy.
Sa interview sang Bombo Radyo kay tatay Agustino Opina, ginareklamo sini si Rene Martinez, iya gumangkon bangud sa ginaalegar nga ginadumilian ini nga mag-agi sa alagyan kag dugang pa sini nga ginaharangan sini sang butong ang nasambit nga alagyan.
Sa dugang nga panaysayon ni tatay Agustino, nagikan ini sa proper agud magbakal sang sud-an apang, pag-abot sini sa nasambit nga lugar, ginsundan ini sang iya gumangkon nga si Rene tubtob sa hinali na lamang ini sya nga ginlabo ni Rene sa kamot.
Wala man suno diri sang kalain sang buot si Agustino kay Rene apang, suno man sa iya madugay naman sang mga ini nga ginaawayan ang propedad sang mga ini sa duta.
Sa karon, yara na sa istabli nga kondisyon si tatay Agustino matapos nga mag-angkon sang pilas sa nasambit nga insidente.
