ROXAS CITY – Patay na sang makit-an sang iloy ang 45-anyos nga anak nga lalaki nga nakabitay sa puno sang langka sa banwa sang Pilar, Capiz.
Ginkilala ang biktima kay Amed Asquilon sang Barangay Yatingan, Pilar.
Sa interview sang Bombo Radyo kay PO3 Elmer Balgos, imbestigador sang Pilar PNP, ginpahayag sini nga nakibot na lamang ang iloy sang biktima nga sa iya pagbukas sang pirtahan, nakita sini nga nakabitin sa kahoy sang langka ang iya nga anak.
Suno sa iloy sang biktima nga katapusan sini nga nakita ang anak sang nagpauli ini nga nakainum kag nagdiretso sa iya nga hulot.
Aminado ang ginang nga nabatian man sini nga nagguwa ang anak sa ila balay, apang ginbalewala lamang niya ini.
Samtang kumbinsido ang ginang nga wala sang foul play sa pagkamatay sang anak kag desisyon sini nga utason ang kaugalingon nga kabuhi.
