Lalaki, ginbuno ang bayaw bangud sa pagtahol sang ido

Arestado na ang isa ka lalaki matapos ginaalegar ginbuno ang iya bayaw bangud sa isyu sang pagtaghol sang ido sa banwa sang Hagonoy, Bulacan.

Base sa report sang Hagonoy Police Station, nagluntad ang insidente sa tunga-tunga sang alas 10:00 tubtob alas 11:30 sang gab-i sang Abril 13 sa Barangay San Agustin.

Suno sa isa ka testigo, ang suspek nagkadto sa balaligyaan sang biktima agud magbakal, apang ginpahayag nga naakig sa wala untat nga pagtaghol sang ido.

Ginpalapitan sang biktima ang suspek nga nagtuga sang mainit nga pagbaisay kag sang ulihi nagluntad ang physical altercation nga madasig nga napunggan sang witness.

Wala madugay, nagbalik ang suspek nga may bitbit sang kutsilyo kag ginbuno ang biktima sa sulod sang balaligyaan.