Ginbuno ang isa ka lalaki sang iya abyan Barangay Linambasan, Jamindan, Capiz,
Ang biktima amo si amo si alyas Richard, 43 anyos kag residente sang Barangay Milan, Jamindan, Capiz.
Samtang ang suspek ang ginkilala kay alyas Segundino, 52 anyos kag residente sang Barangay Linambasan, Jamindan, Capiz.
Suno sa imbestigasyon sang Jamindan Municipal Police Station, naga-inum ang biktima kag ang suspek sang magluntad ang isa ka mainit nga argumento sa ila tunga.
Matapos ang pagbinaisayay, naggwa sang balay ang suspek, kag ginlagas ini sang biktima.
Apang sang pag-abot sang biktima sa pirtahan, gilayon ini nga ginbuno sang suspek sang makaduha ka beses gamit ang kutsilyo nga nag-igo sa tuo nga abaga sang biktima.
Gilayon man nga gindala sa ospital ang biktima para dapatan sang pagbulong.
Nagsurrender man ang suspek kag nakahunong na sa Jamindan Municipal Police Station.
