Ginpahayag inosente nga pagkatumba sa dalan nga nagdangat sa kamatayon sang 32-anyos nga lalaki matapos ginbuno sang iya nga karelasyon sa madamu nga beses bangud nagsapak sa lain nga babaye sa González Catán sa Argentina.
Ginkilala ang biktima nga si Natacha Palavecino nga ginbuno sang iya nga kahagugma nga si Mariano Grinspun, 23-anyos, tubtob nga namatay bangud sa selos.
Suno sa surveillance footage, si Palavecino kag Grinspun nagahawiray sang kamot samtang naglakat malapit sa dalan Balboa kag La Bastilla sang hinali ila nasugat-an ang isa ka babaye nga itago lang sa pangalan nga “LC,” klasmate ni Mariano.
Ang kadali nga pagbayluhanay sang istorya sang duha ka magklasmate nakabandog sa grabe nga selos ni Natacha.
Sa wala sang pagpangduha-duha, nagbunot siya sang kutsilyo kag ginbuno si LC sa kili-kili kag sa iya nga pagkatumba naghimui naman si Natacha sang lain nga pag-atake apang nakabangon ini kag nakalikaw tungod sa mga tawo nga nangagi liwat nga nagbulig sa iya.
Rason nga iya ginpaukpan si Mariano kag madali nga ginbuno sa dughan.
Nag-atubang sang sampaw-sampaw nga kaso si Palavecino lakip ang pagpatay kag pag-atake, bangud sa pagbuno kang LC kag sa makamatay nga pag-atake kay Grinspun.
