Pilason ang isa ka lalaki matapos ginbuno sang iya upod sa ilimnan sa Sitio Tugbungan, Barangay Tanza, Roxas City,.
Ang biktima amo si alyas Elmer, 47-anyos samtang ang suspek amo si alyas Noril, 35-anyos, lunsay residente man sang amo nga barangay.
Sandig sa imbestigasyon nga nakuha sang Bombo Radyo sa Roxas Component City Police Station, nagainom ang biktima upod sa iya abyan sang nag-abot ang suspek kag nagtinguha nga mag-upod sa ilimnan.
Apang ginpahalin ini sang biktima bangud suno sa iya, pirmi lamang nagagamo ang suspek kon makahubog.
Bangud sini, naakig ang suspek kag gulpi nga ginkuha ang kutsilyo sini nga nakasukbit sa iya hawak antes ginbuno ang biktima sa wala nga bahin sang tiyan.
Gilayon man nga nadakop sa suspek, samtang ang mga gindala naman ang biktima sa ospital agud mabulong.
Sa subong, nagapreparar na ang Roxas City Police sang mga kinahanglanon nga dokumento agud mapasakaan sang nagakaigo nga kaso ang suspek
