ROXAS CITY – Padayon nga ginabulong sa ospital ang 26-anyos nga lalaki matapos ginbuno sang 18-anyos nga construction worker sa Barangay Poblacion, Tapaz, Capiz.
Nag-angkon sang pilas sa nawala nga dughan kag abaga ang biktima nga si Jonel Gicalao sang Daan Sur, Tapaz matapos bun-on ni Ryan Parle .
Ba-se sa report nga naga-inum ang biktima kaupod ang mga abyan sa balay sang iya utod sang naglabay kag naghapit ang suspek.
Yara na sila sa kainitan sang ila nga pag-inum sang nagapa-bida bida na ang suspek.
Gilayon ini nga ginpanugyanan sang biktima nga magpauli na lamang apang ginkaakig ini sang suspek.
Kasunod sini ang pagkuha sang kutsilyo sang suspek kag pagbuno sa biktima.
Wala pa nakuntento si Parle kag iya ginlabo ang motorsiklo sang utod ni Gicalao.
Narekober sang kapulisan sa ginluntaran sang insedente ang binangon nga gingamit sang suspek.
